Maniwala ka, mananatili ako sa tabi mo
Hahawakan ko ang kamay mo
Sa bawat pagsubok hindi ako aalis
maghihintay para sa’yo, mahal ko. 

Sa isang dating app kita unang nakita
ako’y nagalak na naging kaibigan kita
sa unang pag-uusap palang nati’y parang ilang taon na tayong magkakilala
doon ko nalaman na iba ka sa mga nakilala ko, iba ka sa kanila

Nagdaan ang ilang araw at tayo’y nagkita
sobrang payat mo pala 
nahiya ang katawan ko’ng puno ng taba 
naisip ko, de bale na, opposites attract nga, diba?

Sa mga sumunod na araw ay nalaman ko na magkaparehas pala tayo ng araw ng kapanganakan,
mangga din pala ang iyong paboritong prutas,
at mahilig ka din pala sa mga lumang kanta
old soul din kasi ako kaya naisip ko’ng may mga pagkakapareho din pala tayo

Madalas masagi sa ating pag-uusap ang salitang “commitment” 
napag-uusapan natin kung handa na ba ang isa’t-isa
ngunit ang sabi mo saki’y hindi pa pala
pero wag kang magalala, ako’y handang hintayin ka

kahit abutin man tayo ng college graduation nating dalawa
o kahit nga naghahanap ka na ng trabaho at ako’y nag-aaral pa 

Sa isa’t kalahating buwan nating pagsasama 
nakilala natin ng lubos ang isa’t-isa
sana’y naging masaya ka sa aking presensya
dahil masasabi ko na ako’y sobrang nagalak na nakilala kita

Talaga ngang ang buhay ay parang gulong
paminsan ay nasa itaas 
paminsan nama’y nasa ibaba

Umabot sa punto na atin nang pinapakita 
Ang bawat bahid natin na hindi maganda
Ngunit bakit ganon ang iyong naging reaksyon?
Hindi mo ba tanggap ang nakaraan ko at para sa’yo ay naging imposisyon?

Sa kabila ng lahat ng panghuhusga mo
Sinasabi parin sa sarili na ikaw ang aking gusto
Siguro nga’y mas higit pa sa gusto ang nararamdaman ko para sa’yo

Maniwala ka, mananatili ako sa tabi mo,
At hahawakan ko ang kamay mo.
Sa bawat pagsubok hindi ako aalis
maghihintay parin para sa’yo, mahal ko. 

—